Davao City – Anaa sa kapin kun kulang P450, 000 kantidad sa iligal nga droga ang nasakmit atol sa gipatumang search warrant sa pwersa sa awtoridad alas-10:05 adlaw’ng Miyerkules sa gabii nahitabo sa Tandang Sora Street, Barangay Zone 3, Digos City, Davao del Sur.
Pinaagi niini malampusong nasikop si Nely Almendras Dulce alyas Tata Dulce, 41 anyos, minyo ug residente sa maong lugar.
Narekober kang Dulce ang 30 ka gramos sa 15 ka mga pakete sa gituohang shabu diin kini mokantidad sa kapin kun kulang P450,000 ug ubang drug paraphernalia lakip ang laing 30 ka pakete sa maong driga sulod sa panimalay niini.
Sa kasamtangan balhug na sa Philippine Drug Enforcement Agency Regional Office (PDEA-XI) detention facility ang maong suspetsado diin kini muatubang og kasong may paglapas sa RA 9165 kun Comprehensive Dangerous Drugs Act of 2002.
RadyoMaN Jason Amisola
