Davao City – Mokabat sa tunga sa milyones ka pesos kon P500,000 ang kantidad sa iligal nga droga ang nasakmit sa awtoridad atol sa gilusad nga buy-bust operation sa pagpanguna sa Toril PNP uban ang PDEA-XI nahitabo alas-10:30 kagabii sa Purok 21 Brgy. Bago Aplaya, Talomo, ning syudad sa Davao.
Suspek giiila nga si Jaime Avenido Jr., alias Tata, 42 anyos, construction worker nga residente sa nasangpit nga lugar.
Nakuha gikan sa suspek ang lima ka paketa sa gituohang shabu nga mutimbang sa kapin kon kulang 15 gramos nga mubalor sa P450,000 ug cellphone unit, ug pula nga pouch.
Sumala ni Police Major Jason Baria, station commander sa Toril PNP, naila ang maong suspek nga usa ka Directorate for Intelligence watchlist pinaagi sa laing drug personality nga nalambigit sa drug trade nga ginapahigayon sa area sa Toril ug Talomo Districts.
Sa pagkakaron anaa sa kustodiya sa kapulisan ug muatubang og kasong may paglapas sa Republic Act No. 9165 kon ang Comprehensive Dangerous Drugs Act of 2002.
RadyoMaN Jason Amisola
