P5.2-M marijuana plants sa Kiblawan gipanglarot ug gipangdaot sa PNP

Davao City- Gipangsunog sa mga awtoridsd ang anaa sa 26,350 uprooted fully grown marijuana plants nga adunay estimated value nga P5, 270, 000.00.

Sumala sa Police Regional Office XI napalgan ang maong mga marijuana sa kabukiran sa Barangay Balasio, Kiblawan, Davao Del Sur partikular na sa tulo ka mga Sitios: Latnabag, Lamikon ug Lamlango.

Pinaagi sa series of operations nga gilusad niadtong March 17-19, 2022 sa Davao Sur Police Provincial Office; 1st ug 2nd Davao Sur Provincial Mobile Force Company; Kiblawan Municipal Police Station; PNP-Drug Enforcement Group (PDEG); Provincial Drug Enforcement Unit ug 39th Infantry Batallion (IB) Alpha Company Philippine Army (PA) malampusong napuhag ang maong mga pananom sa marijuana.

Parte ang maong operasyon sa OPLAN HUROT kun intensified approach ni PROXI Regional Director, PBGEN BENJAMIN SILO, JR aron mawagtang ang illegal nga droga sa komunidad ug madakpan ang mga high value target personalities.

RadyoMaN Aimee Guinita