Davao City- Gikatakdang i-release sa City Social Services and Development Office (CSSDO) ang P5 million nga cash assistance ngadto sa mga nabiktima sa sunog sa Brgy. Sasa ning syudad sa Davao.
Segun ni CSSDO chief Maria Luisa Bermudo nga nihimo pa karon og validations ang mga social workers sa maong nasangpit nga barangay ug sa daling panahon matunol na kini ngadto sa mga nasunugan.
Base sa record anaa sa 708 ka mga pamilya ang apektado sa dakong sunog niadtong niaging semana, adlaw nga Biyernes.
Gawas usab sa maong cash assistance, nitunol ang lokal nga panggamhanan og mga dignity kits, banig, habol ug nagpadayon usab ang pagpanghatag og mga pagkaon ngadto sa mga nasunugan pinaagi sa duha ka mobile kitchen kutob karon Dominggo sa gabie.
RadyoMaN Aimee Guinita
