Davao City – P500,000 rewards money ihatag ni Mati City Mayor Michelle Nakpil Rabat sa makahatag og inpormasyon o makatudlo sa mipusil patay kang Barangay Matiao Kapitan Ronnie Valera.
Sumala sa Mati City Information office , nakahukom ang Mayor sa paghatag og reward money aron paspas ang pagtunol sa inpormasyon o pag-ila sa responsable sa krimen, samtang gikondena sa alkalde ang pagpatay sa Barangay chairman.
Gipusil patay niadtong Abril 13, 2022 si Kapitan Valera samtang nagduyan kini sulod sa iyang lawak. Nakahiagom kini’g samad sa ulo ug gideklarang dead on arrival sa Davao Oriental Provincial Medical Center. Nakuha sa crime scene ang tulo ka basiyo sa kalibre 45 nga bala ug narekober usab ang pusil nga gipanag-iyahan sa kapitan duol sa iyang duyan.
RadyoMaN Aimee Guinita
Facebook Comments
