Roxas City, Capiz – Magahatag sang tig P5,000.00 nga bulig pinansyal ang gobierno probinsyal sang Capiz sa pamilya sang mga biktima sang sunog sa Brgy. Banica, Syudad sang Roxas.
Nagdangup kay Aksyon Agad Community Affairs Head Pepe del Rosario ang mga pamilya nga lunsay nasunogan ang puloy-an sa pagpangayo sang bulig agud makapatindog sang bag-o nga balay kag wala naman sila guinbalibaran.
Guinpahayag sang mga biktima nga tubtob subong kalabanan sa ila ang nagapuyo guihapon sa Barangay Hall masobra isa ka bulan na ang nagligad sang magluntad ang sunog sadtong Hulyo 30.
Nagapasalamat ang mga fire victims sa bulig nga guintugyan ni Governor Tony nga amo lamang ang nagbulig sa ila agud matukod kag mapahuman na ang guinapatindog nga balay nga ang iban haligi pa guid lamang, wala pa sang atop, dingding kag salog. Pinaagi sini makaplastar na sila kag makasugod sang panibag-o nga pangabuhi.
(c) Capiz Aksyon News Center
