Davao City – Mokabat sa P500,000 ang damyos sa miulbong sunog alas 4:00 pasado kaganihang kadlawon nahitabo sa may dalang Jacinto, Brgy. 32-D, siyudad sa Davao.
Sumala ni Bangoy Fire Station Fire Ch ief Inspector Ezequil Tabon, migula sa ilang imbestigasyon nga una nisilaob ang sunog nasayran nga nag-fluctuate una ang suga sa ground floor sa maong gambalay nga usa ka tindahan og ligid.
Gibutyag usab niini nga ilang sutaon kung misunod ba sa mga rekisitos sa Bureau of Fire ang maong tindahan sa ligid human nasayran nga wala kini fire exit ilabi na nga residential area usab kini.
Sa pikas bahin, nitabang na ang Brgy. 32-D sa pagpanguna ni Brgy. Kagawad Noel Lumanta sa mga nabiktima sa sunog kinsa miingon nga temporaryong gipahiluna una sa ilang barangay hall ang lima ka mga apektadong pamilya ug nitunol na usab sila og mga inisyal nga tabang sama sa pagkaon.
RadyoMaN Jason Amisola
