BACOLOD CITY – Nagahilibion nga nagpadulong sa ospital ang isa ka dalaga matapos nga ini siya ang ginkagat sa ilong sang iya nakaaway nga kaupod man lang sa ulubrahan kagab-i sa Bacolod Reclamation Area.
Nakilala ang biktima nga si Sheila Rose Calabo, 26 anyos ang edad, pumuluyo sang Purok Malipayon, Brgy. Tabu, banwa sang Ilog kag temporaryo nga naga puyo diri sa ciudad sang Bacolod.
Suno kay Calabo nga pasado las 6 kagab-i, ini sila ang nagbaisay sang suspek nga nakilala kay Evelyn Diaz, alyas Angel kag kaupod man lamang niya sa trabaho.
Pahayag sang biktima nga nagpanginit si Angel gani gulpi ini siya nga ginkagat sa ilong kag nagdulot gid ang apat ka unto.
Ini nga kaso gin-endorse na sang Police Station 2 sa Women and Children’s Protection Desk sang BCPO./dyHB BACOLOD
