Davao City – Mokabat sa P500,000 ang kantidad sa iligal nga droga ang nasakmit sa hiniusang pwersa sa mga awtoridad atol sa buy-bust operation alas-10:00 sa buntag kagabie sa may Sitio Ligadan, Brgy. Don Enrique Lopez, Mati City, Davao Oriental.
Nakuhaan og kapin kun kulang 4,000 gramos sa gituohang marijuana si Reynaldo Mangulayon, 41-anyos, minyo ug residente sa Sitio Manga, Brgy. Macangao, Lupon, Davao Oriental ug laing Jevic Tagabunlang, 33-anyos, ulitawo, taga-Sitio Kamuning, Brgy. Tumoaong, Taragona, Davao Oriental.
Narekober usab ang laing pakete sa pinaugang dahon sa marijuana ug ang motorsiklo nga gigamit sa mga suspetsado alang sa ilang mga transaksyon.
Mag atubang og kasong kalapasan sa Section 5, 11 ug 12, article II sa RA 9165 kun comprehensive dangerous drugs act of 2002 ang maong mga susptesado kinsa pulos anaa na karon sa selda sa Philippine Drug Enforcement Agency 11 (PDEA XI) samtang ang mga narekober nga drug paraphernalia gisumite sa laboratory section aron ma-eksamina.
RadyoMaN Jason Amisola
