P500k nga balor sang shabu nakuha sa taga-Sibucao paagi sa buybust

28

BACOLOD CITY – Kapin sa tunga sa milyon ka pesos ang kantidad sang suspected shabu nga na-confiscate halin sa isa ka soltero nga subject sa ginpatigayon nga buybust operation sini gid lamang nga kaagahon sa Brgy. 7, Bacolod City.

Ginkilala ang suspect nga si Rey Demonteverde, legal ang edad, residente sang Sitio Sibucao, Brgy. Banago ciudad sang Bacolod.

Ang buybust ginpatigayon sang Drug Enforcement team sang Police Station 3 may mga las 12 sini gid lang nga kaagahon sa Purok Tangkong, Brgy. 7, Bacolod City.

Nakuha sa possession sa suspek ang 11 tanan ka sachet sang suspected shabu nga nagabug-at sag kapin 40 grams kag may street value nga kapin P500 mil pesos subong man marked money, P1k pesos nga benta sa pagbaligya sang illegal drugs kag mga drug paraphernalia. /Agnes Apostol

Facebook Comments