Davao City – Gitunolan og pasiunang tabang gikan sa City Social Services Development Office (CSSDO) ang mga pamilya nga nabiktima sa sunog sa Purok 3 Isla Verde, Brgy. 23-C, siyudad sa Davao.
Sa interbyu sa RMN Davao kang Vergenia Bautista, district social welfare officer sa CSSDO sa City Poblacion-B, giingon niini nga nitunol na sila og inisyal nga hinabang sama sa food pack, sinina, ug mga gamit sa panimalay.
Subay sa datos nga gipagula sa CSSDO atol sa gihimong pag-validate, 574 ka mga pamilya ang apektado sa sunog – 190 ka mga indibidwal, 283 ka house owner, 258 ang totally damaged, 22 ang partially damaged, 88 ka sharer, 203 renters ug 190 ka boarders.
Gidugang ni Bautista, P53,650,700.00 ang damyos sa maong sunog.
Matud ni Bautista nga ilang paningkamotan ug papaspasan nila ang pagpreso sa mga dokumento aron matunolan og cash assistance ang mga pamilya nga apektado sa sunog.
RadyoMaN Don Pulayao
