Davao City – Mosumada sa ₱678,602 ang mga illegal nga drogang nasakmit sa Davao City Police Office (DCPO) sa managlahing drug operations sa Semana Santa sa Marso 28 hangtod Abril 4, 2021.
Sa interbyu sa DXDC RMN Davao kang DCPO City Director Police Col. Kirby John Kraft, 57 ka mga drug suspects ang nasikop sa 47 ka mga Anti-Illegal Drug Operations.
Dol-an 100 gramos sa shabu samtang 54 gramos sa marijuana ang nakumpiska sa kapulisan.
Matud ni Kraft, 89 ka mga kaso sa paglapas sa RA 9165 ang napasaka sa piskalya.
Sa pikas bahin, 212 ka mga suspek ang nadakpan sa Campaign Against Illegal Gambling isip kalapasan sa PD 1602, PD 449 ug RA 9287 ug anaa sa P18K ang kwarta sa sugal ang nasakmit.
Dugang niini sa Campaign Against Loose Firearms o Violation of RA 10591, sa pito ka mga operations 3 ang arestado, 9 ka armas ang nakumpiska.
RadyoMan Aimee Guinita
