Davao City – Mobalor sa P648,000 o 40.5 gramos sa shabu ang nasakmit sa Task Force Davao sa checkpoint sa Sirawan, Toril.
Sa eksklusibong interbyu sa RMN Davao kang Col. Darren Comia, Task Force Davao Commander, duha ka mga drug couriers nga nagsakay sa Elf bongo ang nasikop sa ilahang mga personahe human nakuha sa ilahang mga posisyon ang daghang pakete sa shabu subay sa implementasyon sa Culture of Security Ordinance sa dakbayan diha sa checkpoint.
Giila ang mga suspetsado nga sila John Mugat, 37 anyos, residente sa Alabel, Sarangani Province ug Kerr Romares, 21 anyos.
Gawas pa sa shabu narekober sa ilahang mga posisyon ang mga drug paraphernalias ug cash nga mokantidad sa P16,400.
Sa susamang adlaw, arestado si Nel Ian Magabulo Cloma, 42, residente sa 763-A Visayan Drive, DDF Village, Mandug, Davao del Norte sa Lasang Checkpoint ang usa ka pasahero og Public Utility Van (PUV) sa pagdala og marijuana.
Ug laing pasahero sa van ang nadakpan human masakmit sa posisyo niini ang 16.18 gramos o P1,950 ang estimated street value.
RadyoMaN Aimee Guinita
