Gi-imbargo sa Task force on Food Security sa Malacanyang, ang 18 ka 40 footer refrigerated container van, nga polos kargado sa smuggled nga mga sibuyas gikan sa nasud sa china.
Ang maong mga red onions gidiskarga sa usa ka barkong stranghero sa pantalan sa lungsod sa Tagologan Misamis Oriental niadtong November 3. Apan nakakuha ug report ang Economic Intelligence Agency, kinsa nagbutyag nga ang maong mga sibuyas, gi-smuggle gikan sa ubang nasud hinungdan nga gi-ablihan kini kagahapon sa Department of Agriculture, Bureau of custom, DTI, PDEA, ug uban pang government Agency.
Matud ni DA Assistant Secretary Federico Lacistre Jr., nga ang maong kontrabando, nagkantidad sa dili mominus sa 54 milyones ka pesos. Sigun pa ni Jhon Simon nga collector sa Bureau of Custom sa Mindanao International Container Port sa lungsod sa Tagoloan, nga ang tone-toneladang red Onion naka-consign kini sa usa ka R2H Trading.
Matud usab ni Atty. Joseph Pague nga legal officer sa Customs Bureau, ila nang gihikay ang gikinahanglang mga dokomento aron ilang pasaka-an sa patong-patong nga kaso ang tag-iya sa maong mga sibuyas.
Samtang idemanda sa Task Force on food security ang tag-iya sa illegal nga mga panakot. Ang maong mga sibuyas, nagpabiling gicustodiya sa Bureau of Custom ug gikamada sa pantalan sa lungsod sa Tagoloan.
