Davao City – Nikabat na sa P679 milyones ka pesos ang kadaot o damyos sa nahitabong mga sunog sa Davao City gikan sa Enero hangtod Nobyembre karong tuiga.
Base sa Bureau of Fire Protection (BFP-XI) records, mokabat sa 286 ka mga sunog ang nilampornas sa nagkadaiyang mga residential ug industrial areas sa syudad.
Segun ni BFP-XI Fire Arson Investigator SFO2 Ramil Gillado nga nagpabilin gihapon nga nag-unang hinungdan sa sunog ang ‘electrical short circuit’ sa mga residential area power connections.
Gitataw ni Gillado nga dako ang pagkunhod sa ihap sa sunog karong tuiga itandi niadtong nilabay nga tuig. Gikan sa 506 ka sunog sa tuig 2016, nikunhod kini ngadto na lamang sa 286 ka mga insidente.
Gi-esplekar ni Gillado nga mas daku lamang ang damyos karong tuiga tungod sa mga dagkung nahitabong sunog sa JC Commercial sa Uyanguren nga adunay 3 million ang damyos, Lapanday Foods Corporation nga nitotal sa 500 million ang damyos, Sagrex Corporation nga adunay 35 million nga damyos ug Davao Bay Coconut Oil Mills Inc. (DBCOM) nga nitotal sa 33.6 million ang damyos tungod sa nahitabong sunog.
RadyoMaN Aimee Guinita
