P7, 000 premyo sa Philpost ‘scam’

Davao City – Nag-warning karon sa publiko ang Philippine Post Office sa mga nikatag nga impormasyon nga ‘ikaw nidaog og P7,000’ nga makuha pinaagi sa pagsunod sa gihatag nga instructions, human adunay mga postal customers nga nakadawat og bogus emails, texts ug calls mahitungod sa package delivery o wala pa nabayran nga online postal charges.

Sa abiso sa PHLPost Facebook page, ilang giklaro nga ang Philippine Post Office, wala nagatawag, naga-text o naga-email sa pagpangayo og personal o financial information lakip na ang password, credit card details o account information.

Wala usab sila nagatawag, naga-text, o naga-email aron mo-request of payment o kaha naga-request sa pag-click og email link aron makuha ang package.

Nag-warning ang Philippine Post Office nga likayan ang pag-click o pag-download sa attachment diin kini maka-activate sa virus nga maoy mukawat og impormasyon sama sa imong username, password ug financial account information.

Giseguro usab sa Philippine Post Office nga mahatagan og solusyon ang maong isyu ug maprotektahan ang impormasyon sa ilang mga kliyente.

RadyoMaN Kirby Manzon

[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>