Davao City – Napasaka na ang kasong Republic Act 10863 o Customs Modernization and Tariff Act ngadto sa korte nga atubangon sa duha ka mga indibidwal nga naharang sa kapulisan human nagdala og mga karton nga dunay unod nga smuggled nga mga sigarilyo.
Sumala ni Police Major Carol Jabagat, station commander sa Toril PNP nga gipang-kustodiya na ngadto sa buhatan sa Bureau of Customs ang kapin kun kulang 700, 000 ka pesos sa mga smuggled nga sigarilyo nga nakuha gikan sa mga biyahedor nga sila alyas Franklin ug Vinzar, pulos hamtong ang pangidaron.
Sa report, anaa sa 300 ka reams ang nakumpiska atol sa gilusad nga random checkpoint Toril PNP sa Binugao, Toril, ning syudad, niadtong January 30, 2023, adlaw’ng Lunes.
Nasayran nga ang maong mga sigarilyo gisakay sa multicab gikan sa Zamboanga City diin sa pagsukit-sukit sa mga otoridad, walay napakitang dokumento ang mga dinakpan.
RadyoMaN Paul Canono
Facebook Comments
