Davao City- Mokabat sa P8.5M ang nakolekta sa Davao city Vices Regulation Unit (VRU) gikan sa multa sa mga nakalapas sa Anti-Smoking Ordinance, Sobriety Ordinance ug Liquor ban sa tuig 2020.
Sumala sa VRU, pinakadako ang nakolektang fines sa anti-smoking ordinance diin anaa sa P6.6 million samtang P1.8 million ang sa liquor ban, P49,481.25 sa sobriety ordinance ug P25,000 sa mga certification fee sa Designated Smoking Area ug Permit to sell.
Ang mga makalapas nga mga indibidwal sa smoking ordinance magmulta og P1, 000 ug P5, 000 sa mga establisyemento.
Padayong nagpasidaan ang lokal nga panggamhanan sa publiko diha sa pagpahibalo sa kadaot nga hatod sa panlawas sa pagpanigarilyo.
Adunay gitanyag nga medical intervention ang VRU sa mga manigarilyuhay pinaagi sa smoking cessation counseling ug Nicotine Replacement Therapy.
RadyoMaN Aimee Guinita
