Davao City – Gibana-banaang anaa sa P90K ang kantidad sa gituohang shabu ang narekober atol sa gilusad buy-bust operation alas-8:40 adlaw’ng Huwebes sa gabii, Marso 28, nahitabo sa Purok 1, Brgy. Talas, Sulop, Davao del Sur.
Naaresto sa maong operasyon si Babbit Osorio, 49 anyos, residente sa maong lugar, kinsa anaa sa watchlist isip drug personality.
Narekober gikan sa dinakpan ang pakete sa gituohang shabu nga mubalor sa P90K, marked money ug uban pang drug paraphernalia.
Temporaryong gikustodiya una ang arestado sa Sulop Municipal Police Station alang sa tukmang disposition samtang isumiter ngadto sa Provincial Crime Laboratory sa Digos City ang narekober nga mga droga alang sa laboratory examination.
RadyoMaN Jason Amisola
Facebook Comments
