P9M+ drugs sakmit sa raid

34

Davao City – Mobalor sa P9-M nga kantidad sa droga malampusong nasakmit sa Davao City Police Offfice atol sa gikasang buy-bust operation sa Purok Rosal, Visayan Village, Tagum City, Davao del Norte.

Gibutyag karon ni DCPO head Police Col. Kirby John Kraft nga tulo ka mga suspek ang nasikop sa operasyon lakip niini ang target nga gikonsiderang Top 7 Provincial Most Wanted Drug Personality sa Davao De Oro giila nga si Bembol Rabosa Papata alyas Bimbol, 39 anyos nga taga-Babay, Pindasan, Mabini, Davao De Oro.


Arestado usab ang giingong live-in-partner niini nga si Jeanet Narcelo Saicon ug Rex Jocotmaya Comaña.

Matud ni Kraft, kanhi napriso na niadtong 2015 tungod gihapon sa droga si alyas Bimbol ug nakagawas kini sa prisohan pinaagi sa plea bargaining niadtong nakalabayng tuig.

Kasong paglapas sa RA 9165 ang ipasaka batok sa mga suspetsado.

Gimanduan ni Kraft si Sta. Ana PNP commander Police Major Michael Uyanguren nga pahugtan ang seguridad aron malutos ang mga HVTs ug aron walay makalusot nga droga sulod sa selda.

RadyoMaN Aimee Guinita

Facebook Comments