Paandam ni Pangulong Duterte nga magatukod sang revolutionary government, ginpakamalaut sang grupo nga "Tindig Pilipinas"

Ginpakamalaut sang cause oriented group nga Tindig Pilipinas ang pahayag ni Pres. Rodrigo Duterte nga magatukod ini sang revolutionary government.

Suno sa grupo isa ka paranoid kag insecure little man ang makadumdom sang pagkakinahanglanon sang kaangay nga gobyerno.

Ginpahayag sang grupo nga ang paranoia sang presidente maathag nga makita sa pagsarorot sang iya approval ratings kag protesta kontra sa administrasyon.

Sadtong Byernes ginsiling ni Duterte nga magatukod sya sang revolutionary government kag ideklarar nga bakante ang tanan nga posisyon kun magkinagamo ang pungsod tuga sang paghimakas sang iya mga kontra sa politika nga ma- destabilize ang iya administrasyon.