South Cotabato—padayon pa ang gihimong imbistigasyon ug hot pursuit operation sa kapulisan ug sa Tropa sa MIlitar sa gihimong pagpangsunog sa gituohang miyembro sa New People’s army (NPA) sa banana packing plant sa Sumifru Philippines sa may Sitio Lacag, Barangay Laconon, alas-10:00 pasado sa gabie niadtong nakalabayng adlaw.
Sumala ni Police Chief Inspector Ramil Villagracia, chief of police sa Tboli Municipal Police Station gibana-banaang anaa sa 30 ka mga armado ang misulong sa planta dayon gidios-armahan ang mga gwardya. Ila dayon gisunog ang planta . walay nahimo ang mga gwardya sa kumpanya tungod sa kahadlok nga pamusilon sa mga rebelde.
Gilayon man nga misibat ang mga suspek padulong sa nabukid nga parti sa lungsod. Subay sa inisyal nga report, mukabat sa 6 million ang danyos sa maong sunog.
Migawas usab sa inisyal nga imbistigasyon sa otoridad nga usa ka alyas “Alfie” maoy namuno sa grupo sa NPA nga misulong sa lugar.
