Pacquiao daug via split decision batok Thurman

Gipahilom  ni Manny Pacquiao si Keith Thurman human matala ang split decision nga kadaugan sa ilang  World Boxing Association welterweight title fight nga gipahigayon sa   MGM Grand Arena sa Las Vegas, Nevada, USA.

Nakuha ni Pacquiao ang 115-112 iskor gikan sa duha ka  hurado nga sila si Dave Moretti ug  Tim Cheatham samtang ang  judge nga si  Glenn Feldman mipabor kang Thurman sa  iskor nga 114-113. 

Gumikan sa kadaugan, misaka karon ang rekord ni Pacquiao sa 62-7-2 samtang  si Thurman, aduna nay  29-1 win-loss record.


Natala usab sa 40-anyos nga si Pacquiao ang knockdown sa unang round pinaagi sa right hook kang Thurman.

Kini na ang ikatulong sunod sunod nga kadaugan ni  Pacquiao human midag batok kang Lucas Matthysse ug Adrien Broner.

Facebook Comments