Davao City – Fully occupied na ug nagpabilin sa critical level ang Southern Philippines Medical Center (SPMC) nunot sa padayong pagdagsa sa mga pasyente sa COVID-19.
Sa interbyu sa DXDC RMN Davao kang Dr. Ricardo Audan, SPMC chief tanang 92 ICU beds na-utilized na samtang ang 435 ka ward beds puno na usab og mga pasyente.
Matud ni Audan, gikasubo niya ang sitwasyon karon sa hospital tungod sa mga pasyenteng moderate ngadto sa critical ang kondisyon nga kinahanglan nga ipang-admit, aduna pay 29 ka mga pasyenteng naghulat aron i-admit sa SPMC.
Sumala niini posibleng tungod kini sa Delta variant ang nasinatiang surge sa mga kaso ug pagkumpyansa sa publiko.
“We are suspecting that what is happening now because of the fast transmission it’s delta. It’s a perfect score ( 100% occupied ang COVID-19 beds) nga dili ta malipay. Ipadayon gyod ang health precautionary measures even ma-Delta, ma-Beta, ma-Alpha it’s still COVID-19 virus,” sumala niini.
Gibutyag ni Audan, kasagaran sa maong mga pasyente wala pa mabakunahan kontra COVID-19.
Giablihan na sa SPMC ang kapin 20 ka mga kama sa Modular hospital aron maakomodar pa ang ubang mga pasyente. Nagpabiling problema sa SPMC ang staff usab nga mubantay sa COVID-19 patients.
RadyoMaN Aimee Guinita
