PADEM, negatibo sa rehiyon 10 sigun sa PNP 10; suporta ngadto sa Pangulo gisiguro

Malaybalay City, Bukidnon – Wala matud pay Patriotic and Democratic Movement o PADEM sa rehiyon 10.

Pamahayag kini sa PNP 10 human nga migawas ang grupong Patriotic and Democratic Movement o PADEM diin nag-awhag sa katawhan, militar ug kapolisan nga i-kudeta si Duterte.

Sa interview sa RMN Malaybalay ngadto kang PNP regional spokesperson Supt. Lemuel Gonda, gibutyag niini nga base sa ilang intelligence section atoa lamang sa kauluhan kini nga kasayuran ug wala sa rehiyon.

Gipasalig usab sa PNP 10 ang suporta nga ilang gihatag kang Pres Rodrigo Duterte.

Makita usab daw ang kinatibuk-ang suporta sa kapulisan ug kasundaluhan sa ilang commander-in-chief.