Bisan pa man sa paghinapos kun closure sa Siege of Marawi, malagmit nga magpadayon sa gihapon ang hulga sa kaguliyang bunga sa ideolohiyang panerorismo.
Sa pakighinabi kaniya sa media, gisugilon ni AFP spokesperson Brig. Gen. Restituto Padilla nga ang duruha ka mga Maute terrorists nga sila Omar Maute ug Isnilon Hapilon nisukol ug wala mo-surrender ngadto sa mga tinugyanan sa balaud kinsa nilusad sa ‘mopping operations’ sa ‘final push’ sa gyera sa Marawi.
Nahimong viral sa internet ang hulagway sa duruha ka mga Maute terrorists kinsa makit-an sa dugoon nilang sitwasyon human natigayon ang combat operations sa AFP ug mga kaalyados sulod sa ilang gilumlumang sanktwaryo o balwarte.
“Magkasama silang dalawa (Omar Maute ug Isnilon Hapilon),” pagpatin-aw ni Padilla sa pangutana kun unsay aktwal nga nahitabo sa dihang nagtagbo ang mga special operatives sa kasundaluhan ug mga allied troops ug sa nagtago-tago nga pundok-terorista uban sa ilang mga bihag.
Matud sa tigpamaba sa armadong kusog, nagpasabot lamang kini nga human ang gubat sa Marawi, mas labaw’ng gikinahanglan ang suporta sa katawhan haron bantayan ug maayo nga dili kita malutsan sa mga dautang elemento nga buot mohasi sa atong mga komunidad.
As of broadcast time, nagpadayon pa ang binakbakay sanglit aduna pay nahibiling pudyot na lamang sa mga teroristang bandong wala pa gihapon motahan sa ilang kaugalingon hangtud ning mga gutloa, dugang ni Padilla.
RadyoMan June Duterte
