Bukidnon – Gipahimuslan na matud pa sa pipila ka mga drayber sa sakyanan ang lapad nga kalsada sa Bukidnon ug gihimo na matud pa kini ug parkinganan ug dili na magamit.
Una niini, nigawas ang reklamo sa pipila ka mga concern citizen tungod kay mao kini ang makamugna usahay ug disgrasya ug paghuot sa dagan sa trapiko tungod kay anaa na kini nag-park sa highway.
Sa interview sa RMN Malaybalay ngadto kang Vinah Maghinay, ang information officer sa Department of Public Works and Highways kon DPWH Region 10 gibutyag niini nga gawas na sa mandato sa ilang buhatan ang pagbadlong, pag-abog ug pag-disiplina sa mga drabyer sa sakyanan.
Giklaro niya nga dili na nila trabaho ang pagpahawa sa mga illegal nga nagparking sa highway.
Gipasabot ni Maghinay nga igo lamang matud pa sila sa pagpatuman sa proyekto ug trabaho na sa mga local government unit ug barangay officials ang pagdisiplina sa mga draybers.
Gidugang pa sa DPWH 10 nga bugtong pagsulat lamang ngadto sa mga concern LGU’s ang ilang mahimo aron mahatagan ug aksyon ang mao nga problema.
