Mangin madali na ang pag-access sang publiko sa mga serbisyo sang Philippine Statistics Authority region 6.
Ini matapos ginlunsar sang ahensya sang nakaligad nga Biyernes ang regional website sang PSA 6.
Sa PSA 6 regional website, pwede na makarequest ang publiko sang birth/marriage/death certificate kag certificate of no marriage (cenomar).
Indi na kinahanglan magkadto sa talatapan sang psa para makuha ang nasambit nga mga dokumento bangud igapadala ini mismo sang ahensya.
Makit-an man sa website ang region 6 statistical figures kag mga aktibidad nga ginapatigayon sang ahensya.
Sa dugang nga impormasyon may kaangtanan sa PSA region 6 magkadto lang sa website, rsso06.psa.gov.ph
