Pag-apil sa Citywide ‘Shake Out Drill’ gipanawagan

Davao City – Kooperasyon sa publiko ang panawagan karon ni Davao City Councilor Mabel Sunga-Acosta alang sa taliabot nga 3rd city-wide full scale earthquake and tsunami exercise karong July 26, 2019, adlawng Biyernes.

Sa interbyu sa DXDC RMN Davao kang Acosta gibutyag niini seryosong pagpangandam ang mamahimong solusyon alang dili man matagna ang kalamidad.

“Kanang force of nature nga gitawag dili man gyud nato na ma-regulate kay nature man na ug Ginoo ra gyoy ang nakabalo kung kanus-a gyud mahitabo ang usa ka katalagman. Ang atoa is preparedness gyud,” saysay ni Acosta.


Nasayran nga pangunahan sa Davao City Disaster Risk Reduction ang Management Council (DCDRRMC) ang maong aktibidad nga magsugod alas-9 sa buntag diin partisiparan kini sa kabarangayan sa syudad, mga tulunghaan, business establishments, government offices ug uban pa.

RadyoMaN Kirby Manzon

Facebook Comments