PAG-ASA, nagpagawas ug advisory kalabot sa weak El Niño

34

Pormal nang nagpagawas sa public advisory ang Pag-asa nga nagpahibalo sa nagkadaiyang government agencies nga mi-epekto na ang “weak El Niño Phenomenon” dinhi sa Pilipinas.

Sa interview sa RMN Malaybalay ngadto kang Anthony Joseph Lucero, ang assistant weather services chief ug officer-in-charge sa Mindanao PAG-ASA Regional Services Division gibutyag niini nga aduna nay full blown El Niño ug kasamtang usab nila kining gibantayan sa karon.

Mao usab daw kini ang hinungdanon nganong wala na kaayo’y ulan ang nasinati ning mga nakalabay nga mga adlaw ug semana.

Ang ubang bahin usab daw sa Mindanao nakasinati na ug dry spell samtang ang ubang nakasinati ug drought.

Gipasabot ni Lucero ang tungod sa El Nino makasinati ug below normal rainfall condition.

Usa matud pa kini nga oceanic event nga mahitabo sa pacific ocean nga adunay pag-init sa tungag bahin niini.

Sigon sa ilang Public Advisory nagbutyag nga ang epekto sa Weak El Niño gikan sa Pebrero 20, Marso, Abril, Mayo ug Hunyo 2019.

Gibutyag nga sulod sa maong mga bulan, masinate sa Pilipinas ang ka-init sa panahon ug pag-reduce sa ihap sa ulan.

Tungod niini, gilauman sa Pag-asa nga masinati sa Mindanao ang dry spell condition ug drought sulod sa kapin upat ka bulan ning tuig 2019.

Facebook Comments