Davao City – Mamahimo gihapong maka-avail ang usa ka dependent sa principal member sa Philhealth sama nalang sa magtiayon nga nagbulag na.
Subay kini sa pangutana sa usa ka DXDC RMN Davao texter atol sa programang Serbisyong Straight to the Point diin matud pa bulag na sila sa iyang bana ug buntis siya sa iyang kapuyo karon, buot niya klaruhon og pwede ba siya maka-avail sa philhealth sa iyang bana.
Sa pakighinabi kang Nicole Mangawang sa Philhealth XI atol sa nasangpit nga programa, sumala niya nga maka-avail gihapon ang asawa sa Philhealth atol sa iyang pagpanganak apan depende sa iyang ex-husband og musugot kini apan adunay opsyon ang bana nga i-update ang iyang dependents kung apilon pa niya o dili na.
Dugang pa nga mamahimong mag register nalang ang asawa og sarili niyang Philhealth dala ang pruweba nga buntis kini aron siya mismo ang principal member sa philhealth ug dili na dependent.
RadyoMaN Renz Barbarona
