Malaybalay City, Bukidnon – Gitutukan sa Pangagamhanang Probinsyal sa Bukidnon ug sa Pangagamhanang Nasyunal ang pag-ayo sa kadalanan sa probinsiya nga gilangkuban sa barangay ug provincial roads.
Sa katapusang tala sa Provincial Engineers Officer kaniadtong Enero 22 ning tuiga, abg Barangay Road Rehabiliation, adunay 6,191.606 kilometros gisugdan na sa provincial government nga gigahin ug pondo nga sobra sa P317-million.
Samtang sa Provincial Road Maintenance sa tuig 2018, adunay 826.15 kilometros ang gilauman ma-ayo nga gahinan ug pondo nga P123-million kung aha ang barangay ug provincial roads matag tuig nang gahinan sa pondo sa panggagamhanang probinsyal.
Sa programang Conditional Matching Grant for Provinces (CMGP), kanhi KALSADA Program sa National Government, adunay 32.88 kilometrs nga dalan ang paga-sementohon nga adunay pondo nga sobra sa _566-million; sa Bottom-Up Budgeting (BUB) Projects, adunay siyam ka mga lungsod ang makapahimulos sa pagtrabaho sa dalal nga gilangkuban sa Baungon, Cabanglasan, Dangcagan, Don Carlos, Impasug-ong, Kalilangan, Quezon ug ang siyudad sa Malaybalay nga adunay total budget allocation nga sobra P54-million.
