Sa interbyu sa DXDC RMN Davao kang Mark Corpuz, personahe sa City Disaster Risk Reduction and Management Office (CDRRMO) Mati, gibutyag niini nga gipaningkamutan karon nga daling maayo ang maong tulay nga nagkonekta sa Barangay Tagbinonga ug Barangay Buso kung asa nagtungha ang anaa sa 57 ka mga estudyante ug 10 ka teachers nga na-stranded niadtong Martes.
“Ginapaspasan sa contractor na mabalik dayon ‘tong bridge kay para na nay maagian ‘tong mga tao kay dugtong man gud ‘to. Bale bridge ‘to na nagasumpay sa duha ka barangay ba,” sulti ni Corpuz.
Matud sa CDRRMO personnel, luwas na nga nakauli alas 10:00 sa buntag kagahapon, October 26, 2022 ang stranded individuals human sila temporaryong natulog sa eskwelahan ug gitunolan og mahigdaan ug pagkaon sa lokal nga panggamhanan.
RadyoMaN Kirby Manzon
