Davao City – Dili uyon ang sagad nga tubag sa mga nahinabi sa DXDC RMN Davao labot sa pag cremate na lamang sa ilang mga minatay inay nga ilubong sa menteryo.
Sumala pa ni alias Jane, dili kini uyon tungod kay bawal sumala pa sa balaod sa Dios ang pagsunog sa mga minatay.
“Para sa akoa, dili gyud ko pabor kay unang-una, supak gyud na sa balaod sa Dios nga sunogon ang tawo,” saysay niini.
Dili usab uyon si alias Agnes tungod kay buot niini nga aduna gihapon siyay maduaw sa mga lubnganan panahon sa kalag-kalag.
“Dili pud ko pabor kay para nako, may nalang nga naa tay maduaw panahon sa ilang mga adlaw, adlaw sa mga patay,” saysay niini.
Samtang sa aduna usay gipaabot sa textline sa DXDC nga uyon sa cremation tungod kay dili na mamahimong hasol ang pag adto sa menteryo ug kalikayan ang kahuot sa dagsa sa mga tawo sa maong panahon.
RadyoMaN Kirby Manzon
