[image: IFM 919 Logo (1).jpg]
HUGOT na ginamonitor karon sa Commission on Elections (COMELEC-Gensan) ang mga kandidato kalabut sa gipatuman niining pagdumili nga mukuha ug mga private bodyguards.
Usa matud pa sa mga ginadili matag ginaimplementa ang gun ban, mao ang pagkuha, paghire, ug pag-recruit og mga bodyguards sa mga kandidato sa national ug local elections.
Kini ang gikabutyag ni City Election Officer, Atty. April Mitchor Miguel, nga hugot gayud nilang ginadili ang pagkuha ug mga bodyguards nga anaa gasabay sa mga kandidato.
Apan gikabutyag usab niini, nga adunay exemption usab alang sa mga kandidato apan muhatag lamang sila ug certificate of authority nga makuha lamang sa ilahang buhatan.
Dugang pa niini nga subject for revision pa ang tanang request kalabut niini tungod ila pa matud tun-an kon katuohan ba ang rason sa pagkuha ug mga bodyguards ilabi na ngadto sa mga nahimutang sa mga election hot spots.
