Davao City – Aduna pay makuha nga benepisyo ang mipanaw nga miyembro sa Pag-IBIG fund.
Kini ang giklaro nila Jessa Torres and Romeo Abucejo sa Pag-IBIG fund Bajada, Davao atol sa interview kanila ni RadyoMaN Misel Miral-Galve sa Serbisyong Straight to the Point.
Sumala sa mga personahe sa maong ahensya nga og aktibong nakabayad ang mipanaw nga miyembro sa iyang contribution sa miaging unom ka bulan, makaproseso ang mga kabanay niini sa ginatawag nga death claim sa Pag-IBIG nga adunay 6,000 pesos apan og na-trace nga dugay na nga wala kabayad sa contribution, dili na kini maka-claim sa nasangpit nga benepisyo.
Dugang pa nga gawas sa death claim, makuha sa miyembro ang tanang nahulog niini sa Pag-IBIG samtang og naay housing loan, ma-fully paid matud pa ang balay.
Subay niini, giingon sa mga personahe nga kinahanglan muadto ang mga kabanay sa miyembro sa ilang opisina aron iproseso ang mga nahisgutan.
RadyoMaN Renz Barbarona
