Pag-IBIG: Di maka-loan og walay number

Davao City – Importante nga mag-register online ang usa ka Pag-IBIG fund member.

Kini ang gihisgutan sa Serbisyong Straight to the Point uban si RadyoMaN Misel Miral-Galve ug sila June Fernandez ug Chrislen Campaña sa Pag-IBIG fund Davao.

Gitino ni Fernandez nga dili maka-loan ang usa ka miyembro og wala kini pag-ibig fund number busa kinahanglan mag register online aron makakuha og number ug maka-avail usab sa mga benefits sa maong ahensya.


Samtang gipahinumduman usab ni Campaña ang mga miyembro nga wala pa nakaparehistro online nga muadto lang sa pinakaduol nga Pag-IBIG fund branch diin sa Matina, Lanang ug Bajada dinhi sa Davao City nahimutang ang ilang mga branches o mag-register sa ilang website nga www.pagibigfund.gov.ph/. <www.pagibigfund.gov.ph/.%20%0d%0d%0d>

Dugang pa nga kinahanglan magdala og valid IDs ug birth certificate ug mamahimong magpa assist sa mga personahe sa Pag-IBIG fund aron makaregister na online ug makakuha og Pag-IBIG fund number.

Alang sa dugang mga pangutana, mamahimong mutawag sa Pag-IBIG –Bajada landline 222-8055.

RadyoMaN Renz Barbarona

Facebook Comments