Davao City – Giklaro karon sa Pag-IBIG fund Davao nga ang ilang loyalty card mao ang Identification Card sa Pag-IBIG fund.
Sa pakighinabi kang Cristlyn Campaña sa Pag-IBIG fund Davao atol sa tulumanong Serbisyong Straight to the Point uban si RadyoMaN Misel Miral-Galve, gibutyag niini nga dili rekisitos ang loyalty card sa pag-avail og loan ug uban pang benepisyo niini.
Subay kini sa pangutana sa usa ka DXDC texter og unsa kining loyalty card ug kinahanglan ba gyud mukuha niini.
Dugang ni Campaña nga dili kini mandatory alang sa mga Pag-IBIG members apan maayo usab kini aron dugang sa valid IDs ug aduna usab kini benepisyo sama sa maka-avail og discount sa mga partners establishments apan depende usab sa terms and conditions.
Sa karon, wala pa nagadawat og application ang Pag-IBIG fund alang sa loyalty card diin posibleng magdawat sila niini sa unang quarter sunod tuig ug aduna kini 100 pesos nga registration fee apan dili pa usab sigurado og mao gihapon ang kantidad sa pagkuha niini sunod tuig tungod sa posibleng mga kausaban nga ipatuman sa Pag-IBIG fund.
RadyoMaN Renz Barbarona
