Davao City – Gipasabot sa Pag-IBIG fund ngadto sa ilang mga miyembro ang pipila ka mga angay mahibal-an bahin sa housing loan program.
Sa pakighinabi ni RadyoMaN Misel Miral-Galve kang Romeo Abucejo sa Pag-IBIG fund Davao atol sa tulumanong Serbisyong Straight to the Point, gisaysay ni Abucejo nga sa panahon nga mupanaw na ang principal borrower, awtomatikong mabayran na ang nabilin pang bayrunon sa gikuhang balay.
Dugang sa Pag-IBIG fund staff nga og nakasinati og terminal illness sama sa coma, cancer ug uban pa ang usa ka principal borroweR, adunay 500,000 pesos ang mamahimong makaltas sa amortization apan kung less than 500,000 pesos ang nahibilin nga bayrunon, automatic paid na usab kini gani aduna usab madawat nga financial aid ang pamilya sa miyembro ngA kapin 30,000 pesos.
Pahinumdom sa Pag-IBIG nga ipresenta lang sa ilang opisina ang medical certificate aron ang mga nasangpit ilang maproseso.
RadyoMaN Renz Barbarona
