Davao City – Napuno na ang listahan alang sa pagahimuong ‘I do. I do’ libreng kasalan nga gidalit sa Pag-IBIG Fund ngadto sa mga taga Davao region.
Kini ang giklaro ni Jessa Torres sa Pag-IBIG fund Davao atol sa interview ni RadyoMaN Misel Miral-Galve sa Serbisyong Straight to the Point.
Sumala ni Torres nga dali ra napuno ang ilang listahan diin karong tuiga adunay 100 ka paresan ang gikatakdang ikasal.
Apan gibatbat ni Torres nga og dili ma-comply sa mga unang nagpalista ang mga gikinahanglan rekisitos diin karong Enero 25, 2019 na ang deadline, mamahimo pang maka-avail ang sunod nga mga nakalista nga wala kasulod unang 100 slots.
Karong umaabot nga Pebrero 14, 2019 subay sa ginaselebrar nga Araw ng Pag-IBIG himuon ang libre nga kasal alang sa gatusan ka mga mag live-in o mag uyab diin sa karon wala pay gibutyag nga lugar og asa ipahigayon ang nasangpit nga aktibidad.
RadyoMaN Renz Barbarona
