Davao City – Nakapili na og venue ang Pag-IBIG fund Davao alang sa ipahigayong ‘I do, I do’ o libreng Kasalan karong umaabot ng Pebrero 14, 2019, adlawng Huwebes.
Sa pakighinabi ni RadyoMaN Misel Miral-Galve ila Jessa Torres ug Romeo Abucejosa Pag-IBIG fund Davao atol sa tulumanong Serbisyong Straight to the Point, gibutyag nila nga himuon ang nasangpit nga aktibidad sa The Ritz Hotel at Garden Oases nga nahimutang sa Porras St. Cor. Villamor St., Barrio Obrero ning syudad sa Davao.
Subay niini, gipahinumduman karon ang tanang kwalipikado nga kumpletuhon ang ilang rekisitos diin karong semanaha nalang ang deadline sa mga kinahanglang ipasa aron hingpit nga makaapil sa libreng kasalan.
Matud sa Pag-IBIG fund nga ubay-ubay pa ang wala naka-comply sa rekisitos diin posibleng makansela ang ilang aplikasyon og dili kini makumpleto.
Una ng gibutyag sa ahensya nga 100 ka pares ang gikatakdang kaslon sa Valentine’s Day.
RadyoMaN Renz Barbarona
