Ang Pagtutulungan sa Kinabukasan: Ikaw, Bangko Industriya at Gobyerno kun Pag-ibig Fund, magparaffle og 3 ka mga house and lot tagsa sa Luzon, Visayas ug Mindanao atol sa Adlaw sa Pamuo karong Martes.
Dili kinahanglan nga miyembro sa Pag-ibig Fund para makaapil ug makadaug, apan kinahanglan nga naa kini sa venue diin himuon ang kalihokan sa Department of Labor and Employment kun DOLE, matud ni Atty. Marie Antoniette Diaz, bise presidente sa Home Lending Operations sa Visayas ug Mindanao.
Sa Visayas, ang raffle himuon sa IC3 Convention Center, Barangay Mabolo, siyudad sa Sugbo diin motunga pud si Presidente Rodrigo Duterte para mangu sa kalihukan sa DOLE 7 sa May 1.
Para sa gustong moapil sa nahisgotang kalihokan, adunay 5,000 ka mga tickets ang iapud-apud sa Dole 7.
Gawas sa mga house and lot, magpa-raffle usab ang Pag-ibig Fund og P1 milyon alang niadtong mga miyembro nga magpa-upgrade ngadto sa P600 sa ilang contribution.
Magparaffle usab ang Pag-ibig Fund sa ilang Ayala-Cebu Branch sa hapon sa Labor Day. Para sa mga papremyo, adunay dugang 6 ka Oppo Smartphone units, 1 ka P100,000, 1 ka P250,000 ug 1 ka P500,000.
