Davao City – Magpabilin gihapon ang savings sa usa ka Pag-IBIG fund member nga wala na kabayad sa iyang loan sulod sa pila ka bulan.
Kini ang gitino ni Jessa Torres sa Pag-IBIG fund Davao atol sa pakighinabi kaniya ni RadyoMaN Misel Miral-Galve sa tulumanong Serbisyong Straight to the Point.
Sumala ni Torres, ma off set man ang loan kun kuhaon ang bayad niini gikan sa savings nga nabilin apan dili gihapon mawala ang nabilin pa nga pondo sa usa ka miyembro.
Gani bisan ma-inactive ang membership, mamahimo lang muadto sa opisina sa Pag-IBIG fund aron mabalik kini og kaactive pinaagi sa pagbayad og monthly contribution alang sa mga self paying member samtang sa HR kun employer ipaupdate alang sa mga employed members.
Dugang pa nga bisan mamatay ang member, naa gihapon madawat ang immediate family lakip na ang death aid nga 6,000 pesos.
RadyoMaN Renz Barbarona
