General Santos City— Gipaklaro ni Gensan City Mayor Ronnel Rivera nga luyo pa man sa mga nigawas nga impormasyon kabahin sa KAPA kon Kabus Padatuon, wala silay nadawat nga formal complaint.
Kung asa usa kini sa mga hinungdan nga iyahang nakit-an nga maglisod sa pagpahigayon ug imbestigayson ang lokal nga panggamhanan sa dakbayan bisan pa man nga dunay daghang miyembro.
Busa alang kaniya mas maayong itugyan nalang sa NBI, kapulisan ug uban pang enforcement unit ang pagpahigayon ug imbestigasyon sa maong isyu.
Dugang pamaayag ni Mayor Rivera nga dili man sakop sa city permits and licenses division ang permit nga kuhaon sa kapa gumikan ministry man ang dala niini.
Apan gibutyag ni Mayor Rivera nga higayon nga adunay makitang sayop ang otoridad sa mga dokumentong gihuptan sa KAPA nga gipangunahan ni Pastor Joel Apolinario, mamahimo matud pa kining mapa-undang.
Dako man usab ang pagtuo ni Mayor Rivera nga walay atubangon nga kriminal nga kaso ang kapa hangtud nga walay mutumaw nga reklamante.
