Gipangunahan ni Technical Education and Skills Development Authority o TESDA Director General Atty. Guiling Mamondiong ang pag-inagurar sa duha ka andanang Dormitory Building sa mismong compound sa TESDA sa barangay Ditucalan niadtong Hulyo 25.
Gidayeg ni Mamondiong ang maong lakang tungod dili naman unya mahago pa ang sibisan kinsa mang mopailalom ug training ubos sa TESDA tungod aduna naman unya silay kapahulayan sulod sa pila ka adlaw.
Kini matud pa mao’y ilang gipaningkamutan nga mabuhat sa tanang lugar sa TESDA alang niadtung galisod gayud nga makapailalom sa training gumikan sa ilang kapuy-an.
Gipasalamatan ni Mamondiong si TESDA Iligan OIC Center Administrator Mario Labisig tungod sa iyang inisyatiba sa pagtukod sa nasangpit nga gambalay.
