Bukidnon – Pag-ila sa katungod sa paggawas kung wala na nag-work out ang kaminyoon.
Kini ang pamahayag ni Gabriela Partylist Representative Emmi de Jesus, human nga nakalusot na sa House committee on population and family relations ang consolidated nga Absolute Divorce and Dissolution of Marriage Bill.
Sa interview sa RMN Malaybalay ngadto kang De Jesus gibutyag niini nga kung adunay katungod nga musulod sa kontrata sa kasal, angayang ilhon nga adunay katungod usab nga mugawas sa kontrata ilabina kung nalambigit na ang emosyon ug safety sa mga adunay relasyon sa marriage.
Matud sa Gabriela partylist nga mahinungdanon ang diborsyo ilabina kung wala na ang mga components sa kaminyoon sama sa gugma, respito, suporta, nagpasakit physical, ug kini angayang ilhon sa estado nga adunay katungod ang usa nga mugawas sa kaminyoon.
Gidugang pa ni Representative de Jesus nga adunay na kaayo nilang gihingusgan ang diborsyo sa Pilipinas sukad kaniadtong 2005 pa.
Sigun niya nga panahon na ang pagsa-legal niini ilabina nga nakita niya ang popularidad sa isyu ug maturity niini.
Kagahapon, lusot na sa House committee on population and family relations ang consolidated na Absolute Divorce and Dissolution of Marriage Bill.
Unanimous ang boto sa mga miyembro sa komite sa upat ka managbulag nga sugyot sa mga magbabalaud.
Grounds niini ang mga nakalatid ilawom sa kasamtangang balaud alang asa legal separation og annulment lakip na ang pagpamun-og, pag-ilis og asawa nga nag-ilis og relihiyon og political affiliation, pagka-gumon sa bino og og druga.
Lakip pa sa mga grounds ang unom ka tuig nga pagkabilanggo og pagka-adik sa sugal og uban pa.
