Sa interbyu sa DXDC RMN Davao kang Ayan Sundungan, habal-habal driver sa Buhangin, gisulti niya nga mas labing maayo nga i-legalize ang operasyon aron dili na matawag nga colorum.
Segun ni Sundungan, makatabang kini sa mga gustong maghabal-habal driver human nawad-an og trabaho alang sa ilang panginabuhi.
Pabor usab ang habal-habal driver nga si Rodolfo Lemente, nga taga Brgy.76-A, Bucana kay mahimo nang legal ang ilang pagpamasahero.
“Dako kining tabang (sa mga) namasahero og habal-habal ilabi na sa (mga dunay) single motor,” sulti ni Lemente.
Kahinumduman, nanawagan ang LTFRB sa mga operator sa habal-habal sa kaulohan nga moapil sa ilang buhaton nga pagtuon sa planong himuong legal ang ilang operasyon subay sa sugyot ni Senador Raffy Tulfo sa hearing sa Senate Committee on Public Services nga gipangulohan ni Senador Grace Poe.
RadyoMaN Don Pulayao
