Davao City – Pabor si Davao City Association of the Barangay Captain ug Barangay 5-A Kapitan Edgar Ibuyan Sr. nga ipailawom sa drug test ang tanang incumbent Barangay Captain ug Kagawad ug ang tanang nagkonsiderang mupapili sa taliabot nga barangay ug sangguniang kabataan election nga mahitabo karong buwan sa Oktubre ning kasamtangang tuig.
Matod sa kapitan, kon magpositibo man sa paggamit sa iligal nga droga ang mga kasamtangang kapitan ug kagawad maingon man usab ang mga aspirant dili na sila angay tugotan nga makaduso sa ilang kandidatora ug makadagan sa piniliay.
Dugang sa Pangulo sa hut-ong sa mga Kapitan sa syudad, mas maayo kon isulod sa rehabilitation center ang kadtong mga opisyales sa barangay nga masakpang migamit sa iligal nga droga pinaagi sa confirmatory result sa drug test.
Pikas bahin, masigarbohon ang ABC President kay ubos sa iyang liderato, walay ni usa sa iyang mga ginsakpang kapitanes sa Dabaw ang nagpositibo sa paggamit sa iligal nga droga.
RadyoMan Joel Viray
Facebook Comments
