Pag-lift sa rice price cap makapasamot sa kalisud sa katawhan

Davao City – Makahatag og dugang kalisud sa katawhan ang pagwagtang sa rice price cap ni President Ferdinand “Bongbong” Marcos Jr. kini base sa reaksyon sa mga rice retailer sa Bankerohan Public Market Davao City.

Sa interview sa DXDC RMN Davao kang Grace Udoyan gisulti niini nga ang pagwala sa price ceiling o paglimita sa presyo sa bugas makapasamot sa kalisud sa mga konsumante posibleng motaas na sab ang presyo sa regular milled rice ug well milled rice.

Giingon usab ni Juno Lono nga kini nga anunsyo sa presidente dako og tabang sa mga rice retailer diin makarekober na sab sila og makapataas sa na sab sa presyo sa bugas.

Nahinabi usab sa news Team si Raffy Baquido ug matod niini nga nabalaka siya sa pagwala sa price ceiling gumikan posibleng daghan ang maglisud tungod maglisud na og palit og bugas.

Giingon usab ni Rennie Uncay nga angay lang irespito ang desisyon sa pangulo gumikan nagtoo kini nga kini ang alternatibong pamaagi aron dili na maglisud ang katawhan.

RadyoMaN Don Pulayao