Patay na nga naabtan sa mga kapulisan ang usa ka 24 anyos nga lalaki nga gikatahong nagkutlo sa iyang kaugalingong kinabuhi pasado alas 3:45 sa hapon kagahapong adlawa didto sa Purok-2, Barangay 3, Malaybalay City, Bukidnon.
Giila ang biktima nga si Justin Velasquez, 24 anyos, dunay kapuyo, ug residente sa naasoy nga lugar.
Nakadawat sumala pa og tawag ang kapulisan kabahin sa insidente, pag abot sa lugar, wala nay kinabuhi ang biktima nga migamit og liston sa sapatos ug gihikot sa liog niini.
Dugang impormasyon nga nagbilin pa og suicide note ang biktima sulod sa kwarto niini kung asa kini nakaplagan sa kaugalingong inahan.
Wala ra usay nakita nga foul play ang kapulisan kabahin sa insidente.
Gipahiluna na ang patayng lawas karon sa biktima sa punerarya.
Facebook Comments
